Cadeiryddion Prifysgolion Cymru

Prifysgolion Cymru yn 2004 i fod y corff cynrychioliadol ar gyfer Cadeiryddion cyrff llywodraethol prifysgolion. Mae’n gorff unol sy’n cynnwys holl brifysgolion Cymru, waeth beth yw eu cenhadaeth na’u tarddiad. Yn hynny o beth, mae’n adlewyrchu amrywiaeth y sector addysg uwch yng Nghymru, ac mae felly’n ceisio rhoi sylw i faterion generig yn hytrach na rhai penodol. Gweithia gydag ystod eang o randdeiliaid, ac mae ganddo berthynas agos ag Prifysgolion Cymru.

Trwy rannu eu gwybodaeth, arbenigedd a phroblemau, gall Cadeiryddion weithredu’n fwy effeithlon i helpu eu cynghorau a byrddau i gyflawni eu cyfrifoldebau, ac i gyfrannu eu gwybodaeth, profiad a phersbectif eu hunain wrth ystyried materion o bwys.

Egwyddorion CAUC yw:

• bod yn gorff galluogol sy’n ceisio sicrhau bod ei aelodau yn wybyddus am faterion a datblygiadau perthnasol, fel eu bod yn fwy abl i gyflawni eu swyddogaethau er mwyn sicrhau atebolrwydd a chynaliadwyedd eu sefydliadau.
• mynd i’r afael â materion polisi strategol yn ymwneud â thueddiadau mewn Addysg Uwch yn gyffredinol ac â chyfrifoldebau penodol aelodau cyrff llywodraethol.
• bod yn gorff adeiladol sy’n ceisio cyfrannu profiad, gwybodaeth a phersbectif arbennig ei aelodau.
• bod yn gorff sy’n darparu fforwm a rhwydwaith i’w aelodau er mwyn iddynt allu rhannu materion a phryderon cyffredin mewn amgylchedd cefnogol.
• cynnal ei waith heb effeithio ar annibyniaeth sefydliadau ei aelodau.

Nodau CAUC yw:

• cefnogi’r sector Addysg Uwch i ddatblygu’r safonau llywodraethu uchaf sy’n briodol i sector sy’n cynnwys sefydliadau annibynnol sy’n gwasanaethu nifer fawr o randdeiliaid gwahanol ac sy’n allweddol i ffyniant y genedl.
• hyrwyddo arfer gorau wrth lywodraethu prifysgolion.
• gweithio gyda llywodraethwyr unigol i ddatblygu eu gwybodaeth a’u sgiliau, fel y mae’r rheiny’n berthnasol i lywodraethiant da eu sefydliadau, trwy (er enghraifft), raglenni datblygu llywodraethwyr.