Tîm Prifysgolion Cymru

Etholwyd yr Athro Julie Lydon OBE yn Gadeirydd Prifysgolion Cymru ym mis Awst 2017. Apwyntiwyd yr Athro Lydon fel Is-Ganghellor Prifysgol De Cymru (Prifysgol Morgannwg gynt, cyn  uno â Phrifysgol Cymru, Casnewydd, a ffurfiwyd Prifysgol De Cymru ym mis Ebrill 2013) ym mis Ebrill 2010. Yn flaenorol, roedd hi’n Ddirprwy i’r Is-Ganghellor ac yn Ddirprwy Is-Ganghellor (Adran Academaidd) yn y Brifysgol, ers ymuno yn 2006. O 2003 i 2006 roedd yr Athro Lydon yn Is-Ganghellor Cynorthwyol yn UWE Bryste, gyda goruchwyliaeth am ansawdd academaidd, gwasanaethau myfyrwyr, ysgrifenyddiaeth academaidd ac amserlennu. Cyn hynny, bu’n Ddeon Cysylltiol yr Ysgol Fusnes ym Mhrifysgol Wolverhampton.

Mae ganddi ddiddordeb mawr mewn safonau ac ansawdd mewn addysg uwch, a bu’n archwilydd ar gyfer yr Asiantaeth Sicrhau Ansawdd ar gyfer Addysg Uwch, ac mae hefyd yn aelod o Banel Cynghori QAA Cymru. Mae ei rolau cynrychioliadol eraill yn cynnwys aelodaeth o fwrdd UCEA, HECSU, Cynghrair y Brifysgol, Pwyllgor Profiad Myfyrwyr, Addysgu ac Ansawdd CCAUC ac mae hi’n aelod o’r Bwrdd Golygyddol ar gyfer y Journal of Applied Research in Higher Education. Pan fo amser yn caniatáu, mae ei ddiddordebau ymchwil yn cynnwys newid sefydliadol a chydweithredu o fewn addysg uwch.

Ebost: chair@www.uniswales.ac.uk
Ffôn: +44 (0)29 2044 8020

Bu Amanda yn Gyfarwyddydd Prifysgolion Cymru er mis Tachwedd 2004. Cyn hynny gweithiodd i’r CBI (Cyd-ffederasiwn Diwydiant Prydain) yn Gyfarwyddydd De Orllewin Lloegr, Pennaeth Polisi Cymru ac Uwch Gynghorydd ar faterion Cwmnïau Bach a Chanolig (SME) ar gyfer y DU. Ar ddechrau ei gyrfa, gweithiodd i’r Sefydliad Ardrethu a Phrisio Refeniw ac Asiantaeth y Swyddfa Brisio. Gwasanaethodd Amanda ar nifer o gyrff ymgynghorol yn cynrychioli llywodraeth leol, busnes ac addysg uwch. Mae ganddi radd a chymhwyster ôl-radd o Brifysgol Swydd Stafford.

Ebost: office.manager@www.uniswales.ac.uk
Ffôn: +44 (0)29 2044 8020

Bu Lisa Newberry yn Prifysgolion Cymru er mis Gorffennaf 2008, wedi treulio wyth mlynedd yn nhîm Polisi Addysg Uwch Llywodraeth Cymru. Yn ystod ei chyfnod yn was sifil,  roedd Lisa yn rhan o’r Prosiect Datganoli Cymorth Myfyrwyr, a hi oedd y cyswllt rhwng Cymru a Whitehall. Er 2007, bu Lisa yn Hyfforddydd Datblygu i Ymddiriedolaeth y Tywysog, yn gweithio i gefnogi pobl ifanc yng Nghymru.  Mae gan Lisa MBA Gweithredol a Thystysgrif Ôl-radd mewn Rheolaeth gan y Sefydliad Rheolaeth Siartredig, ac mae hefyd yn aelod cysylltiol o’r un sefydliad.

Ebost: l.newberry@www.uniswales.ac.uk
Ffôn: +44 (0)29 2044 8022

Ymunodd Ben Arnold ag Prifysgolion Cymru ym mis Awst 2011. Cafodd ei swydd gyntaf ym Mhrifysgol Rhydychen tra’n hyfforddi i fod yn fargyfreithiwr. Fodd bynnag, wedi cael ei alw i’r Bar yn 2001, dewisodd ddilyn ei brif yrfa mewn addysg uwch ac arweiniodd gynllunio strategol, yn gyntaf ym Mhrifysgol Oxford Brookes ac yna ym Mhrifysgol Cymru, Casnewydd, lle y daeth yn Gyfarwyddwr ac yn aelod o’r uwch bwyllgor gwaith.

Ebost: b.arnold@www.uniswales.ac.uk
Ffôn: +44 (0)29 2044 8028

Olivia Jones joined Universities Wales in March 2015. Prior to joining, Olivia started her career in higher education policy at the National Centre for Universities and Business (NCUB). Having previously worked as an engineer, Olivia initially specialised in the STEM skills agenda, before moving into managing a wide variety of NCUB’s programmes to improve student development and graduate employability. Olivia holds an MEng from Durham University and is chartered with the Institution of Civil Engineers.
Email: o.jones@www.uniswales.ac.uk
Phone: +44 (0)29 2044 8023

Mae Gwen wedi gweithio i Prifysgolion Cymru ers Mehefin 2014. Cyn ymuno ag Prifysgolion Cymru gweithiodd Gwen yn Prifysgolion Cymru Brwsel (AUCB) yn arwain ar Biowyddorau a grwpiau ymchwil Gweithgynhyrchu Uwch, ac roedd yn gyfrifol am ddilyn datblygiadau mewn polisi Addysg. Cyn ymuno ag AUCB treuliodd Gwen ddwy flynedd yn gweithio fel Swyddog Senedd Ewrop yng Nghynrychiolaeth y DU i’r UE. Mae ganddi MSc. mewn Gwleidyddiaeth Ewropeaidd o Ysgol Economeg Llundain ac yn raddedig o Brifysgol Durham.
Ebost: g.williams@www.uniswales.ac.uk
Ffôn: +44 (0)29 2044 8027

Mae Emma’n gweithio fel Cynghorydd Polisi Rhyngwladol dros dro yn ystod 2017, ac wedi ymuno â Prifysgolion Cymru ar secondiad o Gyngor Cyllido Addysg Uwch Cymru (CCAUC). Mae Emma wedi gweithio fel Uwch Reolwr Cyfathrebu yn CCAUC am ddeng mlynedd, a chyn hynny bu’n gweithio ar bolisi addysg uwch. Mae ganddi BSc Econ mewn Astudiaethau Undeb Ewropeaidd o Brifysgol Caerdydd ac mae’n ymarferydd cysylltiadau cyhoeddus achrededig.
Ebost: e.raczka@www.uniswales.ac.uk
Ffôn: +44 (0)29 2044 8027

Ymunodd Kieron Rees â Prifysgolion Cymru ym mis Mawrth 2017. Cyn ymuno, rheolodd Kieron dîm Materion Allanol Ymddiriedolaeth Gofalwyr Cymru, lle’r oedd yn gyfrifol am bolisi, materion cyhoeddus ac ymgyrchoedd y sefydliad. Yn flaenorol, gweithiodd Kieron yn Undeb Cenedlaethol Myfyrwyr Cymru ar draws ystod eang o feysydd polisi ac ymchwil, gan gynnwys addysg uwch, sgiliau, ac ehangu mynediad. Mae Kieron yn aelod o gorff llywodraethu Coleg Gŵyr Abertawe ac roedd gynt yn Gadeirydd Public Affairs Cymru. Mae ganddo radd BA mewn Llenyddiaeth Saesneg o Brifysgol Abertawe a PGCE mewn Saesneg o Brifysgol Cymru.
Ebost: k.rees@www.uniswales.ac.uk
Ffôn: +44 (0)29 2044 8025

Ymunodd Laura â Prifysgolion Cymru ym mis Tachwedd 2016, yn gweithio rhan-amser ar y cychwyn drwy gefnogi’r rheolwr swyddfa, ac o fis Mawrth 2017 fel y rheolwr llawn-amser. Mae’n gyfrifol am reoli dyddiadur y Cyfarwyddwr a sicrhau bod y swyddfa’n rhedeg yn esmwyth! Cyn ymuno â Prifysgolion Cymru, roedd gan Laura fusnes ei hun yn darparu cyrsiau cyn geni a dosbarthiadau datblygu babanod, yn dilyn saib yn ei gyrfa ar ôl genedigaeth ei phedwaredd plentyn. Yn flaenorol, gweithiodd Laura i Adran Iechyd Llywodraeth Cymru, fel swyddog datblygu polisi ar gyfer gwasanaethau gofal iechyd eilaidd. Mae ganddi radd mewn Llenyddiaeth ac Iaith Saesneg o Brifysgol Caerdydd a Diploma Ôl-raddedig mewn Rheoli Gwasanaethau Iechyd, o Goleg Meddygaeth Prifysgol Cymru.
Ebost: office.manager@www.uniswales.ac.uk
Ffôn: +44 (0)29 2044 8020