Tîm Prifysgolion Cymru
Cadeirydd – Julie Lydon
Etholwyd yr Athro Julie Lydon OBE, yn Gadeirydd Prifysgolion Cymru ym mis Awst 2017. Dechreuodd yr Athro Lydon yn swydd Is-Ganghellor Prifysgol De Cymru (Prifysgol Morgannwg gynt, cyn yr uno â Phrifysgol Cymru, Casnewydd, a ffurfiodd Brifysgol De Cymru yn Ebrill 2013) yn Ebrill 2010. Cyn hynny roedd hi’n Ddirprwy Is-Ganghellor a’r Rhag Is-Ganghellor (Adran Academaidd) yn y Brifysgol, lle mae hi wedi bod ers 2006. Rhwng 2003 a 2006 roedd yr Athro Lydon yn Is-Ganghellor Cynorthwyol ym Mhrifysgol Gorllewin Lloegr, Bryste, gyda goruchwyliaeth dros ansawdd academaidd, gwasanaethau myfyrwyr, ysgrifenyddiaeth academaidd ac amserlennu. Cyn hynny, roedd hi’n Ddeon Cysylltiol yr Ysgol Fusnes ym Mhrifysgol Wolverhampton.
Gyda diddordeb personol cryf mewn safonau ac ansawdd mewn addysg uwch, roedd hi gynt yn archwilydd i’r Asiantaeth Sicrhau Ansawdd mewn Addysg Uwch, ac ar hyn o bryd mae’n aelod o Banel Cynghori ASA Cymru. Mae ei rolau cynrychioli eraill yn cynnwys aelodaeth o fwrdd UCEA, HECSU, Cynghrair y Brifysgol, Pwyllgor Profiad Myfyrwyr, Addysgu ac Ansawdd CCAU Lloegr, ac mae’n aelod o Fwrdd Golygyddol y Journal of Applied Research in Higher Education. Pan fydd amser yn caniatáu, mae ei diddordebau ymchwil yn cynnwys newid sefydliadol a chydweithredu o fewn addysg uwch
Ebost: chair@uniswales.ac.uk
Ffôn: +44 (0)29 2044 8020
Cyfarwyddydd – Amanda Wilkinson
Bu Amanda yn Gyfarwyddydd Prifysgolion Cymru er mis Tachwedd 2004. Cyn hynny gweithiodd i’r CBI (Cyd-ffederasiwn Diwydiant Prydain) yn Gyfarwyddydd De Orllewin Lloegr, Pennaeth Polisi Cymru ac Uwch Gynghorydd ar faterion Cwmnïau Bach a Chanolig (SME) ar gyfer y DU. Ar ddechrau ei gyrfa, gweithiodd i’r Sefydliad Ardrethu a Phrisio Refeniw ac Asiantaeth y Swyddfa Brisio. Gwasanaethodd Amanda ar nifer o gyrff ymgynghorol yn cynrychioli llywodraeth leol, busnes ac addysg uwch. Mae ganddi radd a chymhwyster ôl-radd o Brifysgol Swydd Stafford.
Ebost: office.manager@uniswales.ac.uk
Ffôn: +44 (0)29 2044 8020
Pennaeth Polisi a Materion Allanol – Kieron Rees
Ymunodd Kieron Rees â Phrifysgolion Cymru ym mis Mawrth 2017. Cyn ymuno, roedd Kieron yn rheoli’r tîm Materion Allanol yn Ymddiriedolaeth Gofalwyr Cymru ac roedd ganddo gyfrifoldeb cyffredinol am waith polisi, materion cyhoeddus ac ymgyrchoedd y mudiad. Cyn hyn, bu Kieron yn gweithio yn Undeb Cenedlaethol Myfyrwyr Cymru ar draws ystod o feysydd polisi ac ymchwil gan gynnwys addysg uwch, sgiliau, ac ehangu mynediad. Ar hyn o bryd mae Kieron yn aelod o gorff llywodraethu Coleg Gŵyr Abertawe, a chyn hynny roedd yn gadeirydd sefydliad Materion Cyhoeddus Cymru. Mae ganddo radd BA mewn Llenyddiaeth Saesneg o Brifysgol Abertawe a TAR mewn Saesneg o Brifysgol Cymru.
E-bost: Kieron.Rees@uniswales.ac.uk
Ffôn: +44 (0)29 2044 8025
Cynghorydd Polisi – Ben Arnold
Ymunodd Ben Arnold ag Prifysgolion Cymru ym mis Awst 2011. Cafodd ei swydd gyntaf ym Mhrifysgol Rhydychen tra’n hyfforddi i fod yn fargyfreithiwr. Fodd bynnag, wedi cael ei alw i’r Bar yn 2001, dewisodd ddilyn ei brif yrfa mewn addysg uwch ac arweiniodd gynllunio strategol, yn gyntaf ym Mhrifysgol Oxford Brookes ac yna ym Mhrifysgol Cymru, Casnewydd, lle y daeth yn Gyfarwyddwr ac yn aelod o’r uwch bwyllgor gwaith.
Ebost: b.arnold@www.uniswales.ac.uk
Ffôn: +44 (0)29 2044 8028
Swyddog Cyfathrebu ac Ymgyrchoedd – Jodi Cox
Ymunodd Jodi Cox â Phrifysgolion Cymru ym mis Mawrth 2020. Cyn ymuno, bu Jodi yn gweithio ym Mhrifysgol Caerdydd lle’r oedd hi’n gyfrifol am yr holl weithgaredd cyfathrebu a marchnata yn Ysgol y Biowyddorau. Cyn hynny, bu’n gweithio mewn amrywiaeth o rolau uwch ym maes cyfathrebu a marchnata ar draws y trydydd sector a’r sector cyhoeddus. Mae gan Jodi radd mewn Llenyddiaeth Saesneg / Cyfryngau ac Astudiaethau Diwylliannol o Brifysgol Birmingham, yn ogystal â Thystysgrif mewn Ymarfer Busnes Rhyngwladol, a gyflawnwyd yn ystod blwyddyn o interniaeth yn UDA.
E-bost: Jodi.Cox@uniswales.ac.uk
Ffôn: +44 (0)77 8827 0407
Rheolwr Busnes – Chris Laity
Ymunodd Chris Laity â Phrifysgolion Cymru ym mis Mai 2019 fel Swyddog Polisi ar ôl gweithio ym Mhrifysgol De Cymru (Prifysgol Morgannwg gynt) am 19 mlynedd, yn fwyaf diweddar mewn rolau uwch ym maes safonau academaidd a sicrhau ansawdd. Mae’n un o’r awduron a gyfrannodd at God Ansawdd ASA y DU ar gyfer Cyngor ac Arweiniad mewn Addysg Uwch ac yn gyn-aelod gweithredol o’r Rhwydwaith Strategaeth Ansawdd (QSN).
Mae Chris hefyd yn rhiant-lywodraethwr yn Ysgol Gynradd Tregatwg yn y Barri ac yn aelod o Grŵp Cyrff Llywodraethu Ysgolion Bro Morgannwg. Mae gan Chris BA mewn Llenyddiaeth Saesneg o Brifysgol Fetropolitan Manceinion a Diploma Ôl-Raddedig mewn Arweinyddiaeth a Rheolaeth Addysg Uwch o Brifysgol Loughborough.
E-bost: Chris.Laity@uniswales.ac.uk
Ffôn: +44 (0)29 2267 1225
Swyddog Prosiect (Cenhadaeth Ddinesig) Rosie Pretorius
Ymunodd Rosie â Phrifysgolion Cymru ym mis Chwefror 2020 fel Swyddog Prosiect mewn Cenhadaeth Ddinesig. Mae hi’n gyfrifol am gynorthwyo â datblygu fframwaith ar gyfer cenhadaeth ddinesig yng Nghymru. Bydd yn helpu i hyrwyddo gweithgaredd cenhadaeth ddinesig ledled Cymru a’r DU, ac yn rhoi cymorth i brifysgolion ehangu eu gweithgaredd cenhadaeth ddinesig.
Cyn ymuno â Phrifysgolion Cymru, bu Rosie yn gweithio i Gymdeithas Pêl-rwyd Cymru fel Pennaeth Perfformiad. Mae hi hefyd wedi gweithio gyda Chymdeithas Pêl-rwyd Lloegr a Phrifysgol Fetropolitan Caerdydd. Mae ganddi radd mewn Rheolaeth Busnes Chwaraeon o Brifysgol Gorllewin Lloegr.
E-bost: Rosie.Pretorius@uniswales.ac.uk
Ffôn: +44 (0)29 2267 1223
Swyddog Prosiectau Rhyngwladol – Laura Fergusson
Ymunodd Laura â Phrifysgolion Cymru ym mis Tachwedd 2016 fel ein Rheolwr Swyddfa, ac yn ystod haf 2018 ymunodd â’r Tîm Rhyngwladol i weithio ar raglen Cymru Fyd-eang II.
Cyn ymuno â Phrifysgolion Cymru, bu Laura’n rhedeg ei busnes ei hun yn cynnig cyrsiau datblygu cynenedigol a datblygiad babanod, yn dilyn seibiant gyrfa i ofalu am ei phlant ifanc. Yn flaenorol, bu Laura’n gweithio yn Adran Iechyd Llywodraeth Cymru fel swyddog datblygu polisi ar gyfer gwasanaethau iechyd gofal eilaidd. Mae ganddi radd mewn Astudiaethau Llenyddiaeth ac Iaith Saesneg o Brifysgol Caerdydd a Diploma Ôl-raddedig mewn Rheolaeth Gwasanaethau Iechyd, o Goleg Meddygaeth Prifysgol Cymru.
E-bost: Laura.Fergusson@uniswales.ac.uk
Ffôn: +44 (0)29 2044 8029
Rheolwr Swyddfa – Lynn Deane
Ymunodd Lynn Deane â Phrifysgolion Cymru ym mis Chwefror 2019 fel Rheolwr Swyddfa. Mae ei rôl yn cynnwys gofalu am ddyddiadur y Cyfarwyddwr a sicrhau bod y swyddfa’r gweithredu’n effeithlon. Cyn ymuno â Phrifysgolion Cymru, bu Lynn yn Gynorthwyydd Gweithredol mewn amryw o sefydliadau gan gynnwys Asiantaeth Datblygu Cymru a Coca-Cola.
E-bost: Office.Manager@uniswales.ac.uk
Ffôn: +44 (0)29 2044 8020
Rhyngwladol a Chymru Fyd-eang
Pennaeth Rhyngwladol – Gwen Williams (Mamolaeth)
Ar hyn o bryd mae Gwen ar gyfnod mamolaeth.
Mae Gwen wedi gweithio i Brifysgolion Cymru ers Mehefin 2014. Cyn ymuno â Phrifysgolion Cymru, bu Gwen yn gweithio gydag Addysg Uwch Cymru ym Mrwsel (WHEB) gan arwain grwpiau ymchwil Biowyddorau a Gweithgynhyrchu Uwch, ac roedd yn gyfrifol am ddilyn datblygiadau mewn polisi Addysg. Cyn iddi ymuno â WHEB, treuliodd Gwen ddwy flynedd yn gweithio fel Swyddog Seneddol Ewropeaidd yng Nghynrychiolaeth y DU i’r UE. Mae ganddi MSc. mewn Gwleidyddiaeth Ewropeaidd o’r London School of Economics yn ychwanegol i’w gradd o Brifysgol Durham.
E-bost: gwen.williams@uniswales.ac.uk
Ffôn: +44 (0)29 2044 8027
Pennaeth y Rhaglen, Cymru Fyd-eang – Tracey Marenghi
Ymunodd Tracey â Phrifysgolion Cymru yn Ionawr 2019 fel Rheolwr Marchnata a Chyfathrebu ar gyfer Cymru Fyd-eang. Yn ogystal â rheoli’r ymgyrchoedd marchnata a chyfathrebu yn y DU ac mewn marchnadoedd tramor a flaenoriaethwyd, mae Tracey hefyd yn rheoli’r rhaglen ryngwladol gyffredinol tan fis Medi 2020 tra bod Gwen ar gyfnod mamolaeth.
Yn flaenorol, treuliodd Tracey 13 mlynedd fel Rheolwr Marchnata ar gyfer Cymru gyda’r Brifysgol Agored gyda chyfrifoldeb am gynyddu nifer y dysgwyr rhan-amser sy’n astudio yng Nghymru. Cyn hynny, bu Tracey’n gweithio yn y sector preifat, gan arwain cyfathrebiadau marchnata’r DU ar gyfer Grŵp Hoover Candy. Mae gan Tracey MBA o’r Brifysgol Agored a BSc mewn Astudiaethau Rwsiaidd a Sofietaidd o Brifysgol Surrey.
E-bost: Tracey.Marenghi@uniswales.ac.uk
Ffôn: +44 (0)29 2044 8023
Cynghorydd Polisi Rhyngwladol – Sara Stephens
Sara yw’r Cynghorydd Polisi Rhyngwladol, gan gynorthwyo agenda Cymru Fyd-eang, a hi sy’n cyflenwi ar gyfer absenoldeb mamolaeth Gwen Williams. Ymunodd Sara â Phrifysgolion Cymru ym mis Medi 2019. Cyn ymuno â Phrifysgolion Cymru, bu’n gweithio i Gyngor Cenedlaethol y Mudiadau Gwirfoddol yn Lloegr ar bolisi a chyfathrebu Cronfa Gymdeithasol Ewrop ar ran y sector cymdeithas sifil. Yn flaenorol, bu Sara yn gweithio am saith mlynedd yn Senedd Ewrop fel Pennaeth Staff ASE o Gymru, ac yn fwy diweddar, roedd yn Ymchwilydd Grŵp yn y Cynulliad Cenedlaethol.
Mae gan Sara BSc Econ mewn Astudiaethau Undeb Ewropeaidd o Brifysgol Caerdydd.
E-bost: Sara.Stephens@uniswales.ac.uk
Ffôn: +44 (0)29 2044 1228
Uwch Reolwr Datblygu’r Farchnad – Elizabeth George
Ymunodd Elizabeth â Phrifysgolion Cymru fel Uwch Reolwr Datblygu’r Farchnad yn Rhagfyr 2019, ac mae’n gyfrifol am reoli a gweithredu strategaeth India fel rhan o Raglen Cymru Fyd-eang. Mae Elizabeth ar secondiad o’i rôl fel Dirprwy Bennaeth Partneriaethau a Chysylltiadau Rhyngwladol ym Mhrifysgol Bryste, lle mae’n gyfrifol am berthynas y Brifysgol â sefydliadau noddi rhyngwladol. Cyn hynny, roedd yn Ymgynghorydd Ymgysylltu â Rhanddeiliaid gyda chleientiaid mewn Addysg Uwch yn ogystal â’r sector preifat a’r trydydd sector.
Mae gan Elizabeth brofiad helaeth ym maes recriwtio myfyrwyr Rhyngwladol, gan weithio mewn amryw o farchnadoedd tramor, yn eu plith Hong Kong ac India. Ar ôl cwblhau ei gradd yn y Gyfraith ym Mhrifysgol Caerdydd yn 2009, ymunodd â rhaglen Rheoli Graddedigion yn y Brifysgol, a arweiniodd at weithio mewn timau rhyngwladol ar lefel Ganolog, Cyfadran ac Ysgol mewn Prifysgolion ledled y DU.
E-bost: Elizabeth.george@uniswales.ac.uk
Ffôn: +44 (0)29 2044 1226
Rheolwr Datblygu’r Farchnad – Dr Maggie Parke
Ymunodd Maggie â Phrifysgolion Cymru yn Rhagfyr 2018. Ei phrif rôl yw datblygu cysylltiadau, rhoi cymorth i waith y Prifysgolion, ac ysgogi ymchwil a rhaglenni rhwng Cymru a’r Unol Daleithiau.
Yn y gorffennol, mae Maggie wedi bod yn Rheolwr ar gyfer Gwledydd America ym Mhrifysgol Bangor, gan reoli recriwtio a pherthnasoedd y brifysgol yng Ngogledd, Canol a De America. Mae ganddi hefyd MA mewn Llenyddiaeth Arthuraidd, a’i PhD mewn Ffilm a Diwydiannau Creadigol o Brifysgol Bangor. Mae hi’n darlithio yn Llundain fel rhan o raglen astudio dramor Americanaidd (CAPA) ar Ddiwydiannau Creadigol a Busnes, ac ar-lein gyda Phrifysgol Signum. Mae hi hefyd yn gweithio ar ei liwt ei hun yn y Sector Creadigol ar ddatblygu sgriptiau, prosiectau a chynulleidfaoedd.
E-bost: Maggie.Parke@uniswales.ac.uk
Ffôn: +44 0 7384 542518